ອິນເດຍ ກຽມຈັດຊື້ເຄື່ອງບິນສອດແນມ MQ-9B ຈາກ ອາເມຣິກາ
ເຄື່ອງບິນສອດແນມ MQ-9B ຈາກ ອາເມຣິກາ
ຂ່າວ ໜສພ ກອງທັບປະຊາຊົນຫວຽດນາມ ລາຍງານເມື່ອບໍ່ດົນມານີ້ວ່າ: ສະພາການຈັດຊື້ອາວຸດປ້ອງກັນຊາດ ຂອງອິນເດຍ (DAC)
ໄດ້ອະນຸມັດການຈັດຊື້ເຄື່ອງບິນບໍ່ມີຄົນຂັບ UAV MQ-9B ຈຳນວນ 31 ລຳ (UAV) ຈາກບໍລິສັດ ອາໂຕມິກ ຂອງ ສະຫະລັດອາເມຣິກາ.
ຕາມແຫຼ່ງຂ່າວແລ້ວ, ແຜນຈັດຊື້ MQ-9B 31 ລຳ, ໃນນັ້ນມີ UAV ຜູ້ປ້ອງກັນ 15 ລຳໃຫ້ກອງທັບເຮືອ ແລະ 16 ລຳ ຜູ້ປ້ອງກັນທ້ອງ
ຟ້າ ໃຫ້ກອງທັບອາກາດ, ດ້ວຍຍອດມູນຄ່າ 3,99 ຕື້ໂດລາ; ສັນຍາ ຊື້-ຂາຍ ລວມມີການຊື້ລູກສອນໄຟ AGM-114R Hellfire ຈຳນວນ
170 ລູກ, ລູກສອນໄຟ Hellfire M36E9 ຈຳນວນ 16 ລູກ, ລະເບີດອັດສະລິຍະ 310 GBU-39B/B, 8 GBU-39B/B ພ້ອມພາຫະນະ
ໃຊ້ທົດລອງລະເບີດ ແລະ ອຸປະກອນ ອື່ນໆຈຳນວນຫຼາຍ.
ບໍລິສັດ ເຈນເນີໂຣນ ອາໂຕ ມິກສ (General Atomics) ໄດ້ພັດທະນາ MQ-9B ຜູ້ປ້ອງກັນທ້ອງຟ້າ ເພື່ອສະໜອງການຫັນເປັນທັນ
ສະໄໝ ແລະ ມີປະສິດທິພາບຫຼາຍຂຶ້ນຂອງອິນເດຍ. MQ-9B ສາມາດບິນໄດ້ດົນ 40 ຊົ່ວໂມງຕໍ່ຄັ້ງ ແລະ ສາມາດບັນທຸກອຸປະກອນໄດ້ຫຼາຍ
ຂຶ້ນກວ່າເກົ່າ, ສາມາດປະຕິບັດໜ້າທີ່ໄດ້ຫຼາກຫຼາຍພາລະກິດ, ພ້ອມຕິດຕັ້ງລູກສອນໄຟ Hellfire, ສະໜອງຄວາມສາມາດໃນການໂຈມຕີ
ໃນໄລຍະໄກໄດ້ຢ່າງແມ່ນຢຳ; ເວລາການບິນຍາວນານ, ສາມາດປະຕິບັດການໄດ້ ໂດຍບໍ່ມີການສະໜັບສະໜູນຈາກຄົນໂດຍກົງ.
ຈຸດເດັ່ນອີກອັນໜຶ່ງຂອງເຄື່ອງບິນບໍ່ມີຄົນຂັບ MQ-9B ລຸ້ນນີ້, ແມ່ນຄວາມສາມາດໃນການປະຕິບັດງານຢູ່ໃນລະດັບສູງ, ສາມາດບິນ
ຜ່ານຍອດພູສູງໄດ້ ໃນທ່າມກາງສະພາບອາກາດທີ່ຫຍຸ້ງຍາກ. ຄຸນນະສົມບັດນີ້ ເຮັດໃຫ້ການເຝົ້າລະວັງມີປະສິດທິພາບ ໃນການໃຫ້ຂໍ້ມູນຢ່າງ
ຕໍ່ເນື່ອງ, ເຊິ່ງເປັນສິ່ງຈຳເປັນສຳລັບການສືບລັບ ແລະຄວາມປອດໄພ ໃນຂົງເຂດທີ່ລະອຽດອ່ອນຂອງຍຸດທະສາດການທະຫານ.
ແຫຼ່ງທີ່ມາ: ໜັງສືພິມກອງທັບ
ວັນທີ 12/08/2024